XII БАГА ХУРАЛ БОЛЖ ӨНГӨРЛӨӨ...

Налайх дүүргийн Улаан загалмай хорооны 12-р бага хурал 2010 оны 11-р сарын 2-нд болж өнгөрлөө.
Хурлаар Улаан загалмай хорооноос
- 2008-2010 онд хийсэн үйл ажиллагааны тайлан
- Санхүүгийн комиссын тайлан
- МУЗН-ийн 12-р Их хуралд оролцох төлөөлөгчдийг сонгох зэрэг асуудал хэлэлцэв.
Хуралд Улаан загалмай хорооны гишүүн 35 хүнээс 28 анхан шатны хорооны гишүүн оролцож 78,5 %-ийн ирцтэй байв. Хуралд дүүргийн засаг дарга Б.Баяндэлгэр, УЗХорооны тэргүүн С.Батдорж, удирдах зөвлөлийн гишүүд хорооны гишүүд оролцож санал бодлоо солилцов.
Улаан загалмай хорооноос явуулж буй ажлыг улам эрчимжүүлж ажиллахыг зөвлөв. Мөн тайлант хугацаанд хүмүүнлэгийн үйл ажиллагааг дэмжиж ажилласан эрүүл мэндийн нэгдлийн дарга Өлзийсайхан, Чандмань налайх НӨҮГ-ын дарга С.Бямбажав, Чандмань цогцолбор сургуулийн захирал Д.Нансалмаа нарыг шагнаж урамшуулав. МУЗН-ийн 12-р Их хуралд дүүргийн засаг дарга Удирдах зөвлөлийн гишүүд, СДИ-ийн төлөөлөл анхан шатны хороодын дарга нарын төлөөлөл сонгогдов.















Yргэлжлэл...

УДИРДАХ ЗӨВЛӨЛИЙН ХУРАЛ...

Налайх дүүргийн улаан загалмай хорооны удирдах зөвлөлийн хурал 2010 оны 10-р сарын 28-нд хуралдав. Хурлаар Монголын улаан загалмай нийгэмлэгийн 12-р их хурал угтан зохион байгуулагдав. Мөн УЗХорооны орлого нэмэгдүүлэх хөрөнгө арвижуулах талаар хороон дарга Д.Отгон Нягтлан бодогч О.Долгорсүрэн нарыг тайланг авч хэлэлцэн үүрэг даалгавар зөвлөмж өгөв. Мөн Улаан загалмай хорооны 12-р бага хурал хуралдуулах товыг тогтож хуралд бэлтгэх ажлын комисс томилон хурлын бэлтгэл ажлын төлөвлөгөө гаргаж зохион байгуулалт сайтай хийхийг зөвлөл тогтоол гаргаж удирдах зөвлөлийн хуралд Улаан загалмай хорооны тэргүүн С.Батдорж удирдах зөвлөлийн гишүүн Т.Энхтөр Х.Гантөмөр С.Дамжин С.Лхамжав З.Эрдэнэхүү нар оролцов.




Yргэлжлэл...

ТУРШЛАГА СОЛИЛЦОХ УУЛЗАЛТ...

Налайх дүүргийн Улаан загалмай хороонд Японы улаан загалмай нийгэмлэгийн санхүүжилтээр Олон улсын найрамдал III төсөл 2010-2012 оны хооронд хэрэгжиж байна.
Олон улсын найрамдал төслийн хүрээнд төсөл хэрэгжиж буй төвийн бүс болох Төв аймаг, Сонгинохайрхан дүүрэг, Налайх дүүрэг гэсэн 3 орон нутгийн үе тэнгийн чиглүүлэгчдийн туршлага солилцох уулзалтыг харилцан арга туршлагаа солилцон, давуу болон сул талаа тодорхойлж, цаашид үйл ажиллагаагаа эрчимжүүлэн хамтран ажиллах боломжийг бүрдүүлэх зорилгоор Налайх дүүргийн Эрдмийн оргил цогцолбор сургууль дээр 2010 оны 10 сарын 23-24 өдрүүдэд болж өнгөрлөө.
Уг үйл ажиллагаанд орон нутаг бүрээс багш чиглүүлэгч нийлсэн 13-18 хүн оролцсон ба нийт 50 хүний дунд зохион явагдлаа.
Үйл ажиллагааны хувьд:
- Налайх дүүргийн УЗХ-ны өсвөр болон залуучуудын улаан загалмайн үйл ажиллагаатай танилцах
- Налайх дүүргийн Эрдмийн оргил сургуультай танилцах
- Туршлага солилцох уулзалт зохион байгуулах
- Төсөл хэрэгжиж буй сургуулиудын товч танилцуулга, мэндчилгээ
- 2010 онд орон нутагтаа төслийн хүрээнд зохион байгуулсан үйл ажиллагаа, онцлог, давуу талаа харуулсан илтгэл тайлан тавих
- Төслийн үйл ажиллагаагаар дамжуулан аймаг орон нутгийн хэмжээнд өсвөрийн улаан загалмайн үйл ажиллагааг идэвхжүүлэх, эрчимжүүлэх чиглэлээр санал солилцон зөвлөмж боловсруулах
- Спортын чөлөөт нөхөрсөг арга хэмжээ
- Оройн чөлөөт арга хэмжээ, нөхөрлөх цаг
- Налайх дүүргийн түүхэн дурсгалт газруудтай танилцах зэрэг чиглэлээр явагдлаа.
Нийт төсөлд хамрагдаж буй хүүхэд залуусынхаа өмнөөс төслийг хэрэгжүүлэхэд гүн туслалцаа үзүүлж буй санхүүжүүлэгч Японы улаан загалмай нийгэмлэг, арга зүйгээр тусалж дэмжиж буй МУЗН-ын Хүүхэд залуучуудын хөтөлбөрийн удирдагч Д.Ууганбаяр, ажилтан Б.Мөнгөнзаяа нартаа баярласан талархсанаа илэрхийлэе.















Yргэлжлэл...