ДЭЛХИЙ НИЙТЭЭРЭЭ ХДХВ/ДОХ –ИЙН АСУУДАЛД АНХААРЛАА ХАНДУУЛАХ ӨДӨР...

Жил бүрийн 12 дугаар сарын 1 нь ХДХВ/ДОХ-оос сэргийлэх үйл хэрэгт анхаарал хандуулан дэлхийн өдөр болгон дэлхий нийтээрээ нэгдсэн үйл ажиллагаа явуулдаг бөгөөд энэ жилийг “ДОХ-гүй ирээдүй – Хүн бүрийн оролцоо уриан дор дараах ажлуудыг зохион явууллаа.
Олон нийт тэр дундаа Ерөнхий боловсролын сургуулийн ахлах ангийн сурагчид, Мэргэжлийн сургалт үйлдвэрийн төвийн сурагчдын дунд ХДХВ/ДОХ-ийн халдвараас урьдчилан сэргийлэх, тэдэнд мэдлэг мэдээлэл олгох зорилгоор Дүүргийн Засаг даргын тамгын газар, Эрүүл мэндийн нэгдэлийн Сайн дурын зөвөлгөө шинжилгээний ТАЛСТ төв, Боловсролын хэлтэс, Дэлхийн зөн Монгол ОУБ, Налайх орон нутгийн хөгжлийн хөтөлбөр, Улаан загалмай хороо, орон нутгийн хэвлэл мэдээллийн байгуулагууд хамтран ажиллаа.
МСҮТ-ийн дотуур байрны оюутнууд, Голомт цогцолбор, Чандмань, Эрдмийн оргил цогцолбор сургуулийн ахлах ангийн сурагчдад ХДХВ/ДОХ сургалт хийлээ.
Нийт сурагчдын дунд ГАР ЗУРАГ болон ЭССЭ бичлэгийн уралдаан зарлаж 1дүгээр байр 2 бүтээл, 2 дугаар байр 4 бүтээл, 3 дугаар 4 бүтээл шалгаруулж Golden bridge англи хэлний сургалтын төвд дуртай түвшинээ сонгон суралцах эрхийн бичиг, Өргөмжлөл, үнэ бүхий зүйлээр шагнаж урамшуулав.
Голомт цогцолбор, Эрдмийн оргил, Чандмань цогцолбор, МСҮТөвийн 4 баг “Дэвжээ” тэмцээнд оролцож
1.Мэндчилгээ
2.Асуулт хариулт / ХДХВ/ДОХ-ийн, танин мэдэхүйн сэдэвтэй/
3.Гэрийн даалгавар /ДОХ-гүй ирээдүй- Хүн бүрийн оролцоо/
4. Чөлөөт сэтгэлгээ
5. Урлагын номер зэрэг үзүүлэлтүүдээр өрсөлдөн МСҮТ 1-р байр, Голомт цогцолбор сургууль 2-р байр эзлүүлэв.
Нийт сургуулийн сурагч, багш нар бэлтгэл зохион байгуулалт сайтай оролцсоны зэрэгцээ ХДХВ гэж юу вэ?, ХДХВ/ДОХ-ийн халдварлах болон халдварлахгүй байх арга замууд, урьдчилан сэргийлэх талаар зохих мэдлэгийг эзэмшсэн байлаа.
Дүүргийн албан байгууллагуудад мэргэжлийн хүмүүс урьдчилан сэргийлэх яриа танилцуулга хийж ХДХВ/ДОХ-ийн талаарх гарын авлага материал болон зурагт хуудасуудыг тараан 12 дугаар сарын 1 ны өдрийг “Улаан тууз” –ны өдөр болгон тэмдэглэв.
ХДХВ/ДОХ-ийн өдөрт зориулсан уралдаан тэмцээн, урлаг спорт, сургалт сурталчилгааг МУЗН-ийн болон орон нутгийн радио телевиз, хэвлэл мэдээллээр сурталчилж ажиллалаа.









Yргэлжлэл...

ОЛОН УЛСЫН САЙН ДУРЫНХНЫ ӨДРИЙГ ТЭМДЭГЛЭН ӨНГӨРҮҮЛЭВ

2011 оны 12 дугаар сарын 5 ны өдөр Олон улсын сайн дурынхны өдрийг тэмдэглэн өнгөрүүлэв. Өдөрлөгт Монголын Улаан Загалмай нийгэмлэгийн халамжийн хөтөлбөрийн удирдагч, мэдээлэл сурталчилгааны алба, Дүүргийн Улаан Загалмай хорооны тэргүүн, удирдах зөвлөлийн гишүүд, Багануур, Налайх дүүргийн Улаан Загалмай хорооны сайн дурын идэвхтэнүүд оролцлоо.
Тэргүүний сайн дурын идэвхтэн Ариун үйлстэн багийн ахлагч С.Адьяахүүгийн хөдөлмөрийн алдрыг тэмдэглэж, нийт сайн дурын идэвхтэнүүд, гэр бүлийнхэн нь хүндэтгэл үзүүлж дурсгалын зүйл гардууллаа.
Хоёр дүүргийн сайн дурын идэвхтэнүүдийн дунд гар бөмбөгийн тэмцээн, хөлөгт тоглоом, теннисний тэмцээн явуулж аваргуудаа тодрууллаа. Гар бөмбөгийн тэмцээнд Я.Цэвэгмаа ахлагчтай Налайх дүүргийн баг, теннисний эмэгтэй төрөлд Багануур дүүргийн сайн дурын идэвхтэн Н.Энхцэцэг, эрэгтэй төрөлд Л.Баярхүү түрүүллээ.
Сайн дурын идэвхтэнүүдийн хийсэн гар урлалын бүтээлүүдээр үзэсгэлэн гаргаж орлого нэмэгдүүлэх, хөрөнгө арвижуулах зорилгоор үзэсгэлэн худалдаа зохион байгууллаа.
2011 оны ажлаараа бусдыгаа хошуучлан ажилласан Сайн дурын идэвхтэн Ч.Болормаа, П.Лхамсүрэн нарыг “ Нигүүсэл” мөнгөн медиалаар, С.Лхамжавыг “Тусгаар тогтнол” –ын одонгоор, Сайн дурын идэвхтэн Г.Ариунаа, С.Адьяахүү, С.Алимаа нарыг “Тэргүүний сайн дурын идэвхтэн” цол тэмдэгээр, Л.Баярхүүг “Үйлчилгээний шилдэг ажилтан” цол тэмдэгээр, Я.Цэвэгмааг эмэгтэйчүүдийн зөвлөлийн “Хүндэт тэмдэг”-ээр тус тус шагнав.
Олон Улсын Сайн дурынхны өдрийг дуу хууртай, дурсамж яриатай, ажил хөдөлмөрийн өндөр амжилт, шагнал урамшлаар дүүрэн өнгөрөөлөө.



















Yргэлжлэл...

ЗУРГИЙН УРАЛДААН...

ХДХВ/ДОХ-ын асуудалд анхаарлаа хандуулах өдрийг тохиолдуулан 14 хоногын аян зарлаж, Аяны хүрээнд гар зураг, эссэ бичлэгийн уралдаан, дэвжээ тэмцээн, сургалт сурталчилгаа хийж, 12 дугаар сарын 01-ийг Улаан туузтай өдөр болгон бүх албан байгууллага аж ахуй нэгжид албан тоот, сурталчилгааны материал хүргүүлэн тодорхой хэмжээгээр үр дүнтэй өнгөрүүллээ. Энэ удаа Гар зургийн уралдаанд байр эзэлсэн зургуулийг орууллаа. Нийт 82 бүтээл ирлээ.

3-r bair H.Tuvshin - Dohgui ireedui

1-r bair n.Temuulen *Temtsel*

Yргэлжлэл...

АНГИЙН ДАРГА НАРЫН СУРГАЛТ ...

2011 оны 12 сарын 02 нд Олон улсын найрамдал төслийн хүрээнд Эрдийн оргил цогцолбор сургуулийн 7-11 ангийн бүх ангийн дарга нарт цогц сургалт хийж бүлгийн нэгдсэн зохион байгуулалтанд орууллаа. Эрүүл мэндийн анхны тусламж, гамшгийн бэлэн байдал, газар хөдлөлт, оюуны хөгжил бүтээлч сэтгэлгээ зэрэг хичээлүүдийг зааж, дараагаар нь ангийн дарга нарын зөвлөл байгуулан зөвлөлийн даргаар 9-2 ангийн дарга Тэмүүлэнг дийлэнх олонхийн саналаар сонголоо. Ангийн дарга нарын зөвлөл нь сургуулийн нийт хүүхдүүдтэйгээ нягт холбоотой ажиллаж, эрүүл мэндийн боловсрол олгох, аливаа хүмүүнлэгийн үйл ажиллагааг зохион байгуулах зэргээр ажиллах юм.

Yргэлжлэл...

БИЕ ЗАСАХ ӨРӨӨ ТОХИЖУУЛАВ

Японы Улаан загалмай нийгэмлэгийн хөрөнгө оруулалтаар Налайх дүүргийн Улаан загалмай хороо Олон улсын найрамдал-III төслийг тус дүүргийн Эрмийн оргил цогцолбор сургууль дээр 2 дахь жилдээ хэрэгжүүлж байна. Төслийн хүрээнд сургуульд эрүүл орчин бүрдүүлэх, сурагчдийн эрүүл мэндийн боловсролыг дээшлүүлэх олон талт үйл ажиллагаа зохион байгуулж, бий болгож байгаагийн нэг нь Сургуулийн бие засах өрөөг тохижуулах ажил юм. Нийт 8 суултуур, 4 тосгуур бүхий 2 бие засах өрөөг бүхлээр нь шинэчлэн хуучин ханыг буулган шинээр тасалгаа хийж засварлалаа.




Yргэлжлэл...

АХМАДУУДЫН АЛДРЫГ ТЭМДЭГЛЭВ ...

Налайх дүүргийн Улаан загалмай хорооноос Олон улсын ахмадын баярыг тохиолдуулан хүмүүнлэгийн үйлсэд бие сэтгэлээ зориулсан гурван ахмадын алдрыг тэмдэглэв. Улаан загалмайгаар овоглосон эдгээр ахмадууд бол Их эмч Ч.Цэвэлмаа, Сувилагч Б.Дуламсүрэн, Эх баригч Д.Люба нар юм. Хөдөлмөр алдраа тэмдэглүүлж буй ахмадууд 40-44 жил улсад хөдөлмөрлөөд гавъяаны амралтаа эдэлж буй буурлууд билээ. Ахмадууд маань Улаан загалмайн тэргүүлэгч, Идэвхтэн, Нарийн бичгийн дарга гээд олон олон ажлыг хүний төлөө гэсэн хүмүүнлэг сэтгэлгээгээрээ гүйцэтгэж зон олондоо туслалцаа үзүүлж байсан хүмүүс юм.
Их эмч Чүлтэмийн Цэвэлмаа чих хамар хоолойн өвчнөөс урьдчилан сэргийлэх, өвчлөгсдийг эмчлэх талаараа гаршсан буурал юм. Хүн ардынхаа эрүүл мэндийн төлөө эрүүл мэндийн боловсрол олгох залуу боловсон хүчинд өөрийн мэдлэг боловсролоо харамгүй эзэмшүүлж ирсэн гавъяатан юм.
Бальдирын Дуламсүрэн Олон хүүхдийг эмчлэн сувилж байсны зэрэгцээ олон хүнд халуун цусаа өгч аюулт өвчнөөс амийг нь аварч байсан цусны хүндэт донор юм. Бүлээн цусаараа хүний амийг аврахын зэрэгцээ уянгалаг сайхан дуу хоолойгоороо ард түмнээ баясгаж байдаг тэргүүний уран сайхан ч юм.
Доржын Люба нь дүүргийн төрөх тасагт эх баригчаар ажиллаж 15400 гаруй хүүхэд эх барьж эцэг эхэд нь баярт мөчийг бэлэглэж байсны зэрэгцээ Улаан загалмай хорооны нарийн бичгийн даргаар 14 жил ажиллаж нигүүлсэнгүй үйлсийн ажилд хөлс хүчээ зориулж байсан ахмад юм. Ахмадууд өөрийн ажлын туршлагаа улаан загалмай идэвхтэнүүдэд ярьж “чөлөөт цаг ихтэй биш, чин сэтгэлтэй хүн л” улаан загалмайн идэвхтэн байж хүний төлөө ажиллаж чадна гэж зөвлөв.
Үйл ажиллагааны үеэр үйл ажиллагааг амжилттай зохион байгуулсан сайн дурын идэвхтэнүүдийг урамшуулан шагнав.

Ахмадууд

Хөдөлмөр алдрыг нь танилцуулж байгаа нь

14 жил Улаан загалмай хорооны Нарийн бичгийн дарга хийсэн Эх баригч Д.Люба

Их эмч Чүлтэмийн Цэвэлмаа

Хүндэт донор Бальдирын Дуламсүрэн

Сайн дурын идэвхтэнүүдээ урамшуулж байгаа нь

Yргэлжлэл...