АХМАДУУДЫН АЛДРЫГ ТЭМДЭГЛЭВ ...

Налайх дүүргийн Улаан загалмай хорооноос Олон улсын ахмадын баярыг тохиолдуулан хүмүүнлэгийн үйлсэд бие сэтгэлээ зориулсан гурван ахмадын алдрыг тэмдэглэв. Улаан загалмайгаар овоглосон эдгээр ахмадууд бол Их эмч Ч.Цэвэлмаа, Сувилагч Б.Дуламсүрэн, Эх баригч Д.Люба нар юм. Хөдөлмөр алдраа тэмдэглүүлж буй ахмадууд 40-44 жил улсад хөдөлмөрлөөд гавъяаны амралтаа эдэлж буй буурлууд билээ. Ахмадууд маань Улаан загалмайн тэргүүлэгч, Идэвхтэн, Нарийн бичгийн дарга гээд олон олон ажлыг хүний төлөө гэсэн хүмүүнлэг сэтгэлгээгээрээ гүйцэтгэж зон олондоо туслалцаа үзүүлж байсан хүмүүс юм.
Их эмч Чүлтэмийн Цэвэлмаа чих хамар хоолойн өвчнөөс урьдчилан сэргийлэх, өвчлөгсдийг эмчлэх талаараа гаршсан буурал юм. Хүн ардынхаа эрүүл мэндийн төлөө эрүүл мэндийн боловсрол олгох залуу боловсон хүчинд өөрийн мэдлэг боловсролоо харамгүй эзэмшүүлж ирсэн гавъяатан юм.
Бальдирын Дуламсүрэн Олон хүүхдийг эмчлэн сувилж байсны зэрэгцээ олон хүнд халуун цусаа өгч аюулт өвчнөөс амийг нь аварч байсан цусны хүндэт донор юм. Бүлээн цусаараа хүний амийг аврахын зэрэгцээ уянгалаг сайхан дуу хоолойгоороо ард түмнээ баясгаж байдаг тэргүүний уран сайхан ч юм.
Доржын Люба нь дүүргийн төрөх тасагт эх баригчаар ажиллаж 15400 гаруй хүүхэд эх барьж эцэг эхэд нь баярт мөчийг бэлэглэж байсны зэрэгцээ Улаан загалмай хорооны нарийн бичгийн даргаар 14 жил ажиллаж нигүүлсэнгүй үйлсийн ажилд хөлс хүчээ зориулж байсан ахмад юм. Ахмадууд өөрийн ажлын туршлагаа улаан загалмай идэвхтэнүүдэд ярьж “чөлөөт цаг ихтэй биш, чин сэтгэлтэй хүн л” улаан загалмайн идэвхтэн байж хүний төлөө ажиллаж чадна гэж зөвлөв.
Үйл ажиллагааны үеэр үйл ажиллагааг амжилттай зохион байгуулсан сайн дурын идэвхтэнүүдийг урамшуулан шагнав.

Ахмадууд

Хөдөлмөр алдрыг нь танилцуулж байгаа нь

14 жил Улаан загалмай хорооны Нарийн бичгийн дарга хийсэн Эх баригч Д.Люба

Их эмч Чүлтэмийн Цэвэлмаа

Хүндэт донор Бальдирын Дуламсүрэн

Сайн дурын идэвхтэнүүдээ урамшуулж байгаа нь

Yргэлжлэл...

ACCESS ДЭЭР БАЙГАА ФАЙЛЫГ PDF ӨРГӨТГӨЛТӨЙ БОЛГОХ

Бидний халамжийн тайлан хийдэг АСCESS тэр ч бүү хэл WORD, EXCEL, HTM Файлуудыг PDF өргөтгөлтэй болгох талаар мэдээлэл оруулж байна. Энэ нь бидний хийсэн үйл ажиллагааны тайланг үзэхэд хялбар болгож байгаа юм.
1. Программаа татаж суулгах
Энд та бүхэнд 2 программ санал болгоё. Эхнийх нь оюу эгчийн санал болгосон программ үүнийг ЭНД дарж татаж авна. Харин дараагийн программ нь татахад маш хялбар ба ЭНД дараал шууд татагдана. Дээрх 2 программ яг адил үүрэгтэй болно. Татсан программаа RUN дарж суулгана энэ нь PRINT дээр нэмэлтээр сууна.
2. PDF өргөтгөлтэй болгох
Тайлан хийдэг ACCESS программа нээнэ.


Тайлан хийх гэсэн товчин дээр дарна. Дарахаасаа өмнө SECURITY OPTIONS дээр ENABLE
болгохоо мартваа.


Print командаар хөрвүүлнэ.

Миний хувьд 2 программ суулгасан ба принтерээ сонгох хэсэгт дээрх зуртай адил харагдана. Properties хэсэг дээрээс харагдах байдал хэмжээг засч болно, бидний хувьд шаардлага байхгүй.

Browse хэсгээс хадгалах газрынхаа замыг зааж өгөөд ОК товчийг дарна. Ингээл бидний PDF файл бэлэн боллоо.
3. Шалгах
PDF болсон файлаа зөв хувирсан эсэхийг шалгахын тулд танд PDF reader эсвэл ADOBE ACROBAT READER программ байх ёстой. Хэрвээ танд байхгүй бол ЭНД Дарж татаж авна уу. Yргэлжлэл...