Японы улаан загалмай нийгэмлэгийн санхүүжилтээр Налайх дүүргийн Эрдмийн оргил цогцолбор сургууль дээр 3 дахь жилдээ хэрэгжиж буй Олон улсын Найрамдал-III төслийн хүрээнд Монголын уламжлалт баяр цагаан сар, Валентины баярыг тохиолдуулан 14 хоногын цогц аяныг зарлаад байна.Тус аяны хүрээнд сургуулийн бүх багш нарт ахлах дунд бага сургуулийн шуурхай дээр нь Олон улсын улаан загалмайн хөдөлгөөний үүсэл хөгжил, Монголын улаан загалмай нийгэмлэг, Налайх дүүргийн Улаан загалмай хорооны үндсэн үйл ажиллагаа зорилго чиглэл, тухайн төслийн хүрээнд хийгдсэн ажлын тайлан, тус явагдаж буй аяны талаар мэдээлэл хийж, Эмзэг бүлгийн хүүхдүүдийн судалгааг анги удирдсан багш тус бүрээр гаргууллаа. Үе тэнгийн чиглүүлэгчдээ дамжуулан бага ангийнханд Цэвэр гар сэдэвт сургалт, сэдвийн хүрээнд Гар зургийн уралдаан, Дунд ангийнханд Эрүүл мэнд анхны тусламжийн сургалт, сэдвийн хүрээнд АХА асуулт хариултын тэмцээн, Ахлах ангийнханы дунд Бэлгийн зөв чиг хандлага, БЗХӨ урьдчилан сэргийлэх, ҮГҮЙ гэж хэлж сурах зэрэг сэдвийн хүрээнд сургалт хийж, тус сэдвээр хичээл хэвшлийн тэмцээн зохион байгуулахаар төлөвлөөд байна.
Тус сургууль дээр гэгээн хайрын валентины баярыг тохиолдуулан Ахлах ангийн сурагчдын дунд нийтлэлийн бүх төрлөөх Хайрын захианы уралдаан зарлаад байна.
Атга будаа Хандивын аяныг өрнүүлж цугларсан хандивын зүйлээрээ ганц бие өндөр настанууддаа тусламж үзүүлж Ахмадууддаа туслах аяныг зарлаад байна.
Мөн аяны хүрээнд хийгдэх ажлын нэг бол Сургуулиудийн дунд явагдах Хөдөлгөөн эрүүл мэнд уриан дор Сагсан бөмбөгийн тэмцээнийг 2011 оны 02 сарын 18 нд явуулахаар төлөвлөөд байна.
Аяны хугацаанд ангиудын нэн эмзэг бүлгийн сурагчдад хичээлийн хэрэглэл тарааж, тусламж үзүүлэн идэвхтэн оролцсон анги, багш, үе тэнгийн чиглүүлэгчдийг шагнаж урамшуулах болзол зарлаад байгаа тул үе тэнгийн чиглүүлэгчид, багш нартаа аяны ажилд нь амжилт хүсье
