ХҮМҮҮНЛЭГИЙН ӨДӨР

2011 оны 5 дугаар сарын 3 ний өдрийн Засгийн газрын 151 дүгээр тогтоолоор “Хүмүүнлэгийн өдөр”-ийг орон даяар тэмдэглэн өнгөрүүлэхтэй холбогдуулан Налайх дүүргийн Улаан Загалмай хорооноос хүмүүнлэгийн үйл ажиллагааг сурталчилах, гишүүд дэмжигчид олон
нийтийг үйл ажиллагаандаа татан оролцуулах идэвхжүүлэх ажлыг зохион байгууллаа. Өдөрлөгийг Улаан Загалмай хорооны Удирдах зөвлөлийн гишүүн Л. Ванганжил нээж үг хэллээ. Өдөрлөгийн үйл ажиллагаанд Удирдах зөвлөлийн гишүүд, онцгой гишүүд, сайн дурын идэвхтэнүүд, халамжлуулагчид, Донор 25 клубын гишүүд, залуучуудын болон өсвөрийн улаан загалмайн гишүүд, анхан шатны хороод, гишүүд дэмжигчид оролцлоо

Өдөрлөгөөр Улаан Загалмай хорооны үндсэн хөтөлбөрүүдийн үзүүлэх тоглолт тухайлбал “Ногоон гэрэл Цагаан шугам”, “Донор 25 клуб”, Гамшгийн бэлэн байдал Анхны тусламжийн  нөхөрлөлийн багын үзүүлэх тоглолт боллоо.

Олон улсын Улаан Загалмай өдөр буюу Монголын Хүмүүнлэгийн өдөр”-ийг тохиолдуулан Хүмүүнлэгийн аянд идэвхтэй оролцсон байгууллага хүмүүсийг шагнаж урамшуулав. Үүнд Улаан заалмай хорооны тэргүүн  С.Батдорж, Удирдах зөвлөлийн гишүүн Л.Ванганжил, Сайн дурын идэвхтэн П. Лхамсүрэн, Ч.Болормаа нарыг “Энэрэл алтан медиалаар,Улаан загалмай хорооны арга зүйч Г. Отгонбаатар, Сайн дурын идэвхтэн Г.Ариунаа, Д. Энхтуяа, Н.Уранчимэг нарыг МУЗН-ийн “Тэргүүний ажилтан “ цол тэмдэгээр, Улаан загалмай хорооны хүмүүнлэгийн үйл ажиллагаанд  3 жил дараалан санхүүгийн дэмжлэг үзүүлсэн онцгой гишүүн М.Цогтсайхан, А. Анхбаяр, П. Тунгалаг нарыг “Нигүүлсэл мөнгөн медиалаар, Эрдмийн оргил цогцолбор сургуулийн идэвхтэн багш Ц. Сувдаа, Голомт  цогцолбор сургуулийн Улаан загалмайн хорооны идэвхтэн багш Н.Оюун-гэрэл нарыг “Шилдэг залуу” алтан медиалаар, “ Тэргүүний сайн дурын идэвхтэн” цол тэмдэгээр Д. Чинбат, З. Цэнгэлмаа, Д. Сайнноров, М. Отгон, М. Оюунцэцэг нарыг алдаршууллаа.

Хүүхэд залуучуудын хөтөлбөрийн хүрээнд өсвөрийн Улаан загалмайн “Гишүүн элсүүлэх” үйл ажиллагаа явагдаж 170 орчим  сурагчид өсварийн улаан загалмайчид гишүүний тангарагаа  өргөлөө.

Дутуугий нь гүйцээж дундуурыг нь дүүргэх, сэтгэлийн өглөг  итгэлийн гэгээг хайрлах тусламжийн  гараа сунган амьжиргааны баталгаажих түвшингээс доогуур орлоготой хүмүүст  тусламж олголоо. Өдөрлөгийн үеэр хандивын хайрцаг аялуулж, хонжворт сугалаа явуулж, Бидний мэдэх Улаан Загалмай сэдэвт талбайн зургийн уралдаан , дуу хуур бүжиг наадам хослон сайхан өдөр болж өнгөрлөө.

Энэ жилийн нэг онцлог гэвэл 2012 оны 2 дугаар сарын 8 наас эхлэн 2 үе шаттай “Хүмүүнлэгийн аян”-ыг ерөнхий боловсролын сургуулиуд, албан байгууллагуудаар зохион байгуулж  Улаан загалмайн байгууллагын үйл ажиллагааг олон нийтэд ил тод сурталчилсан явдал байлаа.