НҮБ-ЫН ХҮҮХДИЙН САНГИЙН ТӨСӨЛ ХЭРЭГЖИХЭЭР БОЛОВ.

2013 оны 4 дүгээр сарын 9 ны өдөр Монгол дахь НҮБ-ын хүүхдийн сангийн Ус хангамж  , ариун цэвэр эрүүл ахуйн ахлах мэргэжилтэн Покрэл Бишнү, мэргэжилтэн Н.Батнасан , Шинэжлэх ухаан технологийн их сургуулийн багш Даваацэрэн , МУЗНийгэмлэгийн Усны хөтөлбөрийн ажилтан Б.Ариунтунгалаг нар 

Налайх дүүргийн газар нутгийн байршил , халдварт өвчний тархалт, хүн амын суурьшил, хөрсний бохирдолт зэргийг судалж үзээд 3,4 дүгээр хорооны айл өрхийн ариун цэврийн цэвэрлэх байгууламжийг / бие засах газар / стандартын болгох төсөл хэрэгжүүлэхээр болов. 

гэр хороололын айл өрхийн бие засах газар, бохир усаа зайлуулах байгууламж шаардлага хангахгүй байгаагаар хүмүүсийн эрүүл мэнд тэр дотроо бага насны хүүхдийн өвчлөл бохир гарын халдварт шар / гепатит /, гэдэсний халдварт өвчин / дисетри / гэх мэт өвчнүүд өссөн байна. Уг төслийн зорилго үйл ажиллагаа нь Засаг даргын мөрийн хөтөлбөрт тусгагдсан " Эрүүл хот" болох хөтөлбөрийн салшгүй нэг хэсэг гэдгийг дүүргийн гэр хороололын тохижилт хариуцсан орлогч Т.Чулуунгэрэлд танилцууллаа.

Төсөлтэй холбогдуулан 3,4 дүгээр хорооны засаг дарга, хэсгийн ахлагч нартай уулзан орон нутгийн төр захиргааны байгууллагатай хамтран ажиллахаар боллоо. Мөн 3 дугаар хорооны Замчны 11-85 тоотод оршин суугч П.Баярсайхан, мөн Замчны 8-56 тоот оршин суугч Г.Батзаяа нарын гэрээр орж бие засах газрыг нь үзэж төслийн судалгаа хийлээ.