Улаан загалмай нийгэмлэгийн хүмүүнлэгийн ажил үйлчилгээ манай улсын нийт хүн амын тавны нэг хувьд нь хүрээд байна гэж өнөөдөр өглөө эхэлсэн МУЗН-ын Төв хорооны тавдугаар хуралдаан дээр тэмдэглэлээ. Уг хурлаар МУЗН-ийн өмнөх оны үйл ажиллагааны тайлан, ирэх оны зорилтыг хэлэлцэж байгаа юм. Өнгөрсөн онд МУЗН-ийн 70 жилийн ойн нэгдсэн арга хэмжээг үндэсний хэмжээнд зохион байгуулж, 1000 гаруй төлөөлөгчдийн бүрэлдэхүүнтэйгээр тайлан, үзүүлэх ажил, туршлага солилцох уулзалт, урлаг спортын цогц арга хэмжээг хийжээ. Уг арга хэмжээнүүдэд Олон улсын Улаан Загалмай Холбоо, бусад орнуудын Үндэсний нийгэмлэгүүдээс 20 гаруй төлөөлөгч оролцсон нь 2009 онд хийсэн ажлуудын томоохон үзүүлэлт болжээ. Мөн хуралдаанаар салбар хороодын ажлыг дүгнэн шалгаруулав. Ажил үйлсээрээ нэгдүгээр байранд Говь-Алтай аймгийн, хоёрдугаар байранд нийслэлийн Чингэлтэй дүүргийн, гуравдугаар байранд Увс аймгийн, дөрөвдүгээр байранд Сэлэнгэ аймгийн, тавдугаар байранд нийслэлийн Баянгол дүүргийн Улаан загалмайн хороо тус тус шалгарсан байна.Монгол Улс Женевийн конвенц болон түүний Нэмэлт протоколуудад нэгдэн орсны хувьд түүнийг түгээн дэлгэрүүлэх, сурталчилах үүрэг хүлээсэн байдаг. Олон улсын Хүмүүнлэгийн эрх зүйг түгээн дэлгэрүүлэх Үндэсний Хороог байгуулсан нь МУЗН төрдөө нэмэлт хүч болон ажилладгийн нэг том жишээ юм. Энэхүү Үндэсний Хороогоор дамжуулан Монгол улсад үйл ажиллагаа явуулах бөгөөд хамгийн анхны үйл ажиллагаа болох Үндэсний форумыг зохион байгуулжээ.
МУЗН-ийн 2010 онд авч хэрэгжүүлэх, ажил болгох гол гол зорилтуудаас товчлон танилцуулбал Мянганы сорилын сангийн дэмжлэгтэйгээр анхны тусламжийн 1000 сургагч багш бэлтгэж, сургалтын бааз суурийг бэхжүүлэхийн зэрэгцээ Олон улсын Гамшигтай тэмцэх хуулийг сурталчлан таниулах Үндэсний хэмжээнд форум зохион байгуулах юм байна. Мөн бүх дунд шатны УЗХ-дын дунд “Хөтөлбөрийн тогтвортой байдлыг хангах нь” туршлага солилцох форум, Хятадын УЗН,НҮБ-ын Хүн амын сантай хамтран “Хилийн боомтуудад ХДХВ-ын халдвараас сэргийлэх” төслийн хүрээнд Ховдын Булган сум, Хятадын Такешикэнд хамтарсан уулзалт, өдөрлөг зохион байгуулах, ажлын байран дахь ХДХВ ба ДОХ-ын асуудлаарх бодлогыг боловсруулан гаргах, Дэлхийн түншлэлд ДОХ-оос урьдчилан сэргийлэх ажилд орон нутгийн оролцоо, дэмжлэгийг нэмэгдүүлэх, Залуучуудын Улаан загалмайн болон өсвөрийн Улаан загалмайчдын үндэсний VII чуулган хийх, “Олон улсын Хүмүүнлэгийн эрх зүйг судлах нь” боловсролын хөтөлбөрийг БСШУЯ-нд албан ёсоор хүлээлгэн өгөх зэрэг ажлыг хийж хэрэгжүүлэхээр төлөвлөөд байгаа юм байна.
Эх Сурвалж нюьс цэг мн
0 comments:
Post a Comment
Сэтгэгдэл үлдээх гэж буй танд баярлалаа.
profile; Anonymous сонголтыг хийж сэтгэгдэл үлдээгээрэй
Эсвэл Name сонголтоор нэрээ бичээрэй